Las temperaturas s'augmentan, ils glatschers sa retiran, il glatsch polar lieua, las resursas da materias primas diminueschan: la Terra e ses ambient sa midan - e quai, sco ch'i para, en in ritmus pli e pli spert. Tenor rapports, films e debattas èsi tschintg avant las dudesch, u emprov'ins da svegliar artifizialmain las temas u da far sensaziun a moda bunmartgada? Nua stat la scienza, tge din ils experts? E tge po far la societad?
Il terz Festival Science et Cité basecamp09, organisà da la Fundaziun Science et Cité e da l'Academia svizra da las scienzas natiralas en il rom da l'"Onn internaziunal dal planet Terra" (IYPE) è deditgà al tema "La Terra e ses midaments".